ვიცე-პრემიერი, ენერგეტიკის მინისტრი კახა კალაძე დამოუკიდებლობის აღდგენის დღესთან დაკავშირებულ ღონისძიებაზე შვილებთან ერთად მივიდა.
ვიცე-პრემიერმა საქართველოს თითოეულ მოქალაქეს დამოუკდებლობის დღე მიულოცა და რუსთაველზე მისულებთან ერთად ფოტოები გადაიღო. მისი თქმით, საქართველოს თითეული მოქალაქე ამაყია, რომ ცხოვრობს თავისუფალ, დემოკრატიულ ქვეყანაში, საქართველოში.
კახა კალაძემ საქართველოს დამოუკიდებლობის აღდგენის დღე - 26 მაისი ასევე, მიულოცა საქართველოს საზღვრებს გარეთ მცხოვრებ თანამემამულეებს.
„ჩვენი ქვეყნის დამოუკიდებლობის დღე ძალიან მნიშვნელოვანი დღეა. თითეული ჩვენი მოქალაქე ამაყია, რომ ცხოვრობს დამოუკიდებელ, დემოკრატიულ და თავისუფალ ქვეყანაში. ვულოცავ თითეულ მოქალაქეს და იმ ადამიანებსაც, ვინც დღეს არ იმყოფება სამშობლოში“ - განაცხადა ვიცე-პრემიერმა.