სხვადსასხვა კლასში ბავშვების ჯგუფური მოწამლვლის ფაქტის დაფიქსირების შემდეგ 139-ე საჯარო სკოლაში სასწავლო პროცესი შეწყდა. იაშვილის კლინიკაში მკურნალობა სხვდასხვა კლასის 8 მოსწავლეს ჩაუტარდა. ამ დროისთვის მათი ჯანმრთელობის მდგომარეობა დამაკმაყოფილებელია. ვითარების გარკვევის მიზნით ადგილზე შინაგან საქმეთა სამინისტროს საგანაგებო სიტუაციების მართვის და ჯანდაცვის სამინისტროს დაავადებათა კონტროლის ცენტრის ეპიდემიოლოგები მუშაობდნენ. სკოლის დირექტორი ინტოქსიკაციის ფაქტს გამორიცხავს და მომხდარს მოსწავლეების პანიკას უკავშირებს, ამ პოზიციას კატეგორიულად გამორიცხავენ მოწამლული ბავშვების მშობლები. რამ გამოიწვია 139-ე სკოლაში ბავშვების ჯგუფური ინტოქსიკაციის ფაქტი ამაზე ჯერ პასუხი არ აქვთ სპეციალისტებს. სკოლაში მომხდარ ინციდენტს სამი უწყება ჯანდაცვის, შინაგან საქმეთა და განათლების სამინისტროები სწავლობენ. ჯანდაცვის სპეციალისტები დამაჯერებლად არ მიიჩნევენ იმ მოსაზრებას, რომ პანიკამ ან ემოციურმა ფონმა 139-ე სკოლის მოსწავლეების ჰოსპიტალიზაცია გამოიწვია. მათი თქმით, შეუძლებელი იყო სხვადასხვა კლასის მოსწავლეებზე ემოციურ ფონს ასეთი შედეგი გამოეწვია. "ძალიან საეჭვოა ამ ვერსიის მიღება, რომ ეს იყო უჰაერობის შედეგი. ყურადღება უნდა მიექცეს, ხომ არ მოხდა შენობაში გარკვეული სამუშაოების ჩატარება და ხომ არ მოხდა ისეთი ნივთიერებების მოხმარება, რომელიც ბავშვთა ჯანმრთელობისთვის ზიანის მომტანი იყოს,"- განაცხადა "ბავშვთა კეთილდღეობის ლიგის" დამფუძნებელმა ეკა სანებლიძემ. "კავკასიის უნივერსიტეტის" ჯანდაცვის სკოლის დეკანი ვახტანგ სურგულაძე მიიჩნევს, რომ მომხდარი არაორდინალურია და აუცილებლად უნდა მოხდეს მისი შესწავლა. "ფაქტი არაორდინალურია. უნდა მოხდეს შესწავლა, რატომ მოხდა ეს,"-განაცხადა ვახტანგ სურგულაძემ.