სტიქიის შედეგად მიყენებული ზარალი მილიონობით ლარია, - განცხადება პრემიერმინისტრმა საგანგებო შტაბის სხდომის დასრულების შემდეგ გააკეთა.

როგორც პრემიერმა აღნიშნა, ის ზარალი, რომელიც სტიქიის შედეგად დედაქალაქს მიადგა, საკმაოდ დიდია და მოითხოვს დროს, რათა ჩატარდეს აღდგენითი სამუშაოები.

პრემიერის თქმით, ყველა სამსახურს, მათ შორის მერიის სამსახურებს, სამინისტროებს მიეცათ დავალება, შექმნან სამუშაო ჯგუფები, რომლებიც ამ საკითხებზე იმუშავებენ.

პრემიერმა ასევე მოუწოდა მოსახლეობას, თავი შეიკავონ ქალაქში გასვლისგან.
#წყალდიდობა