ბაგებში, ირაკლი უჩანეიშვილის ქუჩაზე, ქვესადგურისა და წყალმომარაგების სათავე ნაგეობობის მიმდებარე ტერიტორიაზე - ბაგების წყლის ხეობაში, განვითარდა მასშტაბური კლდე-ზვავი, რომელმაც ნაწილობრივ გადაკეტა მდინარე ბაგების ხევი.

ადგილზე გარემოს ეროვნული სააგენტოს გეოლოგებისა და ჰოდროლოგების ჯგუფი იყო მობილიზებული. მათ აწარმოეს სტიქიური პროცესების შეფასება, რის შემდეგადაც, კრიზისების მართვის საბჭოს წარმომადგენლებთან ერთად, გადაწყდება პრევენციული ღონისძიებების გატარება.

ადგილზე თბილისის ვიცე მერი დიმიტრი ქუმსიშვილი, კეთილმოწყობის საქალაქო სამსახურის ხელმძღვანელი ავთანდილ სუდაძე და სხვადასხვა პოლიტიკური პარტიების წარმომადგენლები იმყოფებოდნენ. როგორც „ინფო 9“-ს დიმიტრი ქუმსიშვილმა განუცხადა, პრობლემის მოსაგვარებელი გზების ძიება მიმდინარეობს. შედგება სწორი გეგმა და მისი განხორციელება დაიწყება.

მიმდებარე ტერიტორიაზე 2 დღის წინ, სტიქიამ საცხოვრებელი სახლებიც დააზიანა. ადგილობრივები მთავრობას დახმარებას სთხოვენ.


ავტორები: ეკა მელიქიძე, ნინო ჭანია, ელენე ცინცაძე, დავით საჯაია

#წყალდიდობა


© INFO9