წყნეთი-კიკეთი-ბეთანიის გზის კოჯრის მონაკვეთზე სავალი ნაწილის გაწმენდის სამუშაოები დღეს დილით დაიწყო და ამ ეტაპისთვის ეპიცენტრამდე გზა უკვე გაწმენდილია. აღნიშნულ სამუშაოებს კოორდინაციას რეგიონული განვითარებისა და ინფრასტრუქტურის მინისტრი ნოდარ ჯავახიშვილი პირადად უწევდა. დამეწყრილი ზონიდან გამოყვანილია სტიქიის დროს ჩარჩენილი ავტომობილები.
კოჯრის დამეწყრილი მონაკვეთის სიგრძე დაახლოებით 1 კმ-ია. სამუშაოები საქართველოს რეგიონული განვითარებისა და ინფრასტრუქტურის სამინისტროს სახელმწიფო სამშენებლო კომპანიამ განახორციელა.