- ე.წ. კაბელების საქმეზე ბრალდებულები მოსამართლემ სასამართლო დარბაზიდან გაათავისუფლა - მოსამართლემ ისინი პირადი თავდებობის საფუძველზე გამოუშვა წინასწარი პატიმრობიდან. ბრალდების მხარე გირაოს ითხოვდა.
- კანცელარიაში უწყებათაშორისი კომისიის სხდომაზე ვერეს ხეობის შესწავლისა და აღდგენითი სამუშაოების დაგეგმვაზე იმსჯელეს. პრესსამსახურის ინფორმაციით, მომზადდება მაღალკვალიფიციური დასკვნა, რომლითაც მთავრობა ამ ტერიტორიებზე ნებისმიერი პროექტის განხორციელებისას იხელმძღვანელებს.
- თბილისში კვლავ მტაცებელ ცხოველს ეძებენ - ის ეთნოგრაფიული მუზეუმიდან ბაგებამდე ტერიტორიაზე იმყოფება. კრიზისების მართის საბჭოს მოსახლეობას მოუწოდებს ფრთხილად იყვნენ და თავის შეიკავონ ეთნოგრაფიული მუზეუმის, კუს ტბის და მიმდებარე ტერიტორიებზე გადაადგილებისგან.
- საქართველოს საპატრიარქომ სტიქიის დროს დაზარალებულ ენუქიძეების მრავალშვილიან ოჯახს ბინა გადასცა. მოვარდნილმა წყალმა ენუქიძეების წყნეთის ხევში მდებარე სახლი მთლიანად წაიღო, რა დროსაც ოჯახის ყველაზე უფროსი წევრი დაიღუპა.
- რუსეთის სახელმწიფო სათათბირომ მოსკოვსა და ცხინვალს შორის ე. წ. მოკავშირეობისა და ინტეგრაციის ხელშეკრულების რატიფიცირება მოახდინა. ხელშეკრულების თანახმად, რომელსაც ხელი ვლადიმირ პუტინმა და მარიონეტული რეჟიმის ლიდერმა 18 მარტს მოაწერეს, ე. წ. სამხრეთ ოსეთის თავდაცვის და უშიშროების სტრუქტურები რუსეთის შესაბამისი უწყებების შემადგენლობაში შევა, ოკუპირებული რეგიონის გარე საზღვრებს რუსეთი გააკონტროლებს. როკის გვირაბზე გადაადგილება კი თავისუფალი გახდება. მოსკოვი ცხინვალს დამატებით დაფინანსებას გამოუყოფს.