უბედური შემთხვევა სოფელ პატარძეულში , კახეთის ენერგოდისტრიბციის თანამშრომელი 42 წლის ვანო ფაფიაშვილი დენის დარტყმის შედეგად გარდაიცვალა. ენერგოდისტრიბუციის საზოგადოებასთან ურთიერთობის სამსახურის უფროსის ბექა ბარამიძის ინფორმაციით, უბედური შემთხვევა მაშინ მოხდა როდესაც მამაკაცი მეზობელს ეხმარებოდა. ის შემთხვევას პროფესიულ გაუფრთხილებლობას უკავშირებს. 42 წლის ვანო ფაფიაშვილი „კახეთის ენერგოდისტრიბუციაში“ 2012 წლიდან მუშაობდა. საქმეს საგარეჯოს პოლიცია იძიებს.