tags: #GDNEWS #ინციდენტი #მინისტრი #გომელაური #რესტორანი ● გუშინ, დაახლოებით 18:00 საათზე, რესტორან "იმერულ ეზოში" ახალგაზრდები აღნიშნავდნენ მათი მეგობრის დაბადების დღეს. ამავე რესტორანში, იმყოფებოდა შინაგან საქმეთა მინისტრი ვახტანგ გომელაური და მწერალი რეზო ამაშუკელი. როგორც ინციდენტის ერთერთმა მონაწილე ახალგაზრდამ ნათია მორდებაძემ "ჯორჯიან დაიჯესტს" განუცხადა, მათ მოითხოვეს მუსიკა, რომელიც ეკუთვნოდათ რადგანაც ეს შედიოდა რესტორნის მომსახურებაში მაგრამ რესტორნის ადმინისტრაციამ განუცხადა რომ მინისტრის ბრძანებით, ამ დღეს მუსიკას არ დაუკრავდნენ. მათ ეს ყოველივე გააპროტესტეს, რამეთუ ამაში ფული ჰქონდათ გადახდილი. ყოველივე ამის შემდეგ, გაღიზიანებული ახალგაზრდა ბიჭები ეზოში გავიდნენ მოსაწევად რა დროსაც ახალგაზრდებს პოლიციამ მანქანაში ჩაჯდომისკენ აგრესიული ფორმებით მოუწოდა. ნათია მორდებაძის თქმით ბიჭები პირდაპირი მნიშვნელობით ჩაყარეს პოლიციის მანქანაში და მასაც ფიზიკურად გაუსწორდნენ, რა დროსაც ნათიამ ფეხი დაიზიანა. ნათია მორდებაძე ბიჭების სახელებს მათივე უსაფრთხოების მიზნით არ ამხელს, რადგანაც, შიშობს რომ მათ რამეს დაუშავებენ. დაკავებული სამი ახალგაზრდა 250 ლარიანი ჯარიმით გაათავისუფლეს.

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive
➡ ჩვენიაპლიკაცია (iOS) - ➡ მოგვაწოდეთ ვიდეო და გახადეთ პოპულარული

© Georgian Daily News 2008-2015 ● ჯი-დი-ენ - მედია ვიდეო პორტალი | GDNEWS ᴴᴰ