კლუბ ვიტამინის მენეჯერის ლიკა კიკიანის მტკიცებით, კვირას ღამით, კუს ტბაზე ოცამდე პოლიციელმა სცემა. კიკიანის განცხადებით, კვირა ღამით, მისი მეგობრები კუს ტბის ტერიტორიაზე, ფასიან ავტოსადგომთან კამათობდნენ და მათთან პოლიციელები მივიდნენ, მათ შორის რამდენიმე გინებით და ხელის კვრით. ვიტამინის მენეჯერი ამბობს, რომ მისი მეგობრები წავიდნენ და თვითონაც წამოვიდა, პოლიციელები კი გამოყვნენ და ჯერ სიტყვიერი, შემდეგ კი ფიზიკური შეურაცხყოფა მიაყენეს.
მომხდარის შესახებ განცხადება და ვიდეო ჩანაწერი გაავრცელა შინაგან საქმეთა სამინისტრომ. უწყების ინფორმაციით, ინსპექციამ ვიდეოს გავრცელებიდან უმოკლეს დროში მოკვლევა ჩაატარა და გადაამოწმა ყველა გარემოება, რომელზეც ლიკა კიკიანი საუბრობს, თავად ლიკა კიკიანმა ახსნა-განმარტების მიცემაზე უარი განაცხადა და შსს-ს გენერალურ ინსპექციაში არ გამოცხადდა. სამინისტრომ გაავრცელა დაახლოებით ორ წუთიანი ვიდეო ჩანაწერი, სადაც ჩანს ლიკა კიკიანის გადაყვანა პოლიციის განყოფილებაში, ასევე განყოფილებასი შესვლა და გამოსვლა. ჩანაწერში დაფიქსირებული დროსი მიხედვით, კიკიანი განყოფილებაში დაახლოებით საათნახევრის განმავლობაში ჰყავდათ. დაკითხვის ვიდეო ჩანაწერს უწყება არ ავრცელებს.