ბულგარეთის ქალაქ სამოკოვში ევროპის EUBC ჩემპიონატზე კრივში მ.ბახტიძის პირველი ბრძოლა 2015 წ. 9 აგვისტო .European Boxing Championships Samokov - 9 AUG 2015 +91kg RED VALAVICIUS Mantas LTU VS BLUE BAKHTIDZE Mikheil GEO - BLUE WP 3:0 .

სერგო დავლიანიძის რუბრიკა - კრივი და ქართველი მოკრივეები.
EUBC Elite European Boxing Championships Samokov 2015
ბულგარეთის ქალაქ სამოკოვში დასრულებულ მოკრივეთა ევროპის ჩემპიონატზე ქართველებმა გამოსვლა თითო ვერცხლისა და ბრინჯაოს მედლით დაასრულეს. ვერცხლის მედალი აიღო 60 კილოგრამ წონით კატეგორიაში მონაწილე ახალქალაქელმა ოთარ ერანოსიანმა. სტარტზე მან ალმოგ ბრიგა (ისრაელი) დაამარცხა, შემდეგ გერმანიის სახელით მოასპარეზე რობერტ არუთინიანს აჯობა, მეოთხედფინალში ამ წონის ერთ-ერთი ფავორიტი, მეორე ნომრად განთესილი რუსი ადლან აბდურაშიდოვიც გამოთიშა, ნახევარფინალში კი მასპინძელ ელიან დიმიტროვს მესამე რაუნდში ნოკაუტით სძლია. სამწუხაროდ ოთარმა გადამწყვეტი ბრძოლა დიდ ბრიტანელ ჯოზეფ კორდინასთან დათმო და მეორე ადგილს დასჯერდა.
75 კილოში გადანაცვლებულმა ზაალ კვაჭატაძემ ახალ წონაში პრაქტიკულად პირველი დიდი შეჯიბრება ჩაატარა და მედლის აღებაც შეძლო. ზაკომ ზედიზედ ჩამოიშორა გზიდან ტომას პივორუნი (ლიტვა), ანდრეი ბიკოვიჩი (სლოვენია), არმენ ჰოვიკიანი (სომხეთი) და ნახევარფინალში გავიდა, სადაც პიოტრ ხამუკოვთან (რუსეთი) დამარცხდა და მესამე ადგილზე გავიდა. მედალი ვერ აიღო, თუმცა მეხუთე ადგილზე გავიდა და პრიზიორ ქართველებთან ერთად მსოფლიო ჩემპიონატის საგზური მოიპოვა მეხუთე ადგილზე გასულმა მძიმე წონოსანმა მიხეილ ბახტიძემ.
ბულგარეთში ევროპის ჩემპიონატზე დანარჩენ წონებში, ქართველთაგან გელა აბაშიძემ (69), ნიკოლოზ სეხნიაშვილმა (81) და ლევან გულედანმა (91) პირველი შეხვედრები მოიგეს, მაგრამ მერვედფინალში დამარცხდნენ და შეჯიბრებას გამოეთიშნენ, მიხეილ კაზანჯიანი (49) და ირაკლი დალაქიშვილი (64) კი პირველსავე წრეში დაემშვიდობნენ ჩემპიონატს.