დღეს, 2 ოქტომბერს, ხობში საერთაშორისო ფესტივალი „სიმღერა სამეგრელოზე“ გაიხსნა. მაყურებლის წინაშე წარსდგნენ სხვადასხვა მუნიციპალიტეტის ფოლკლორული და ქორეოგრაფიული ანსამბლები. ფესტივალის გახსნაში მონაწილეობისთვის ხობს ეწვივნენ ქართული ესტრადის მომღერლები: ელენე ფოჩხუა, სოფო გელოვანი, ნინო ბაშარული, ნოდიკო ტატიშვილი, გიორგი სუხიტაშვილი და ლევან მასპინძელაშვილის ბენდი. უამინდობის გამო ფესტივალის გახსნითი კონცერტი კულტურის სახლის დიდ დარბაზში გადაინაცვლებს.
ხობის მუნიციპალიტეტში საერთაშორისო ფესტივალი „სიმღერა სამეგრელოზე“ წელს მეშვიდედ იმართება. წელს ფესტივალის გახსნას ესწრებოდნენ სხვადასხვა რეგიონის ოფიციალური პირები და საქართველოს მთავრობის წარმომადგენლები.
დასკვნით საღამოზე, ხვალ, 3 ოქტომბერს, ხობის მუნიციპალიტეტის ხეთის ადმინისტრაციულ ერთეულში, თეატრონში ფესტივალი ამჯერად ლეგენდარულ ანსამბლ „რუსთავს“ და თამარ გვერდწითელს უმასპინძლებს.