tags: #GDNEWS #Anonymous #ISIS
#პარიზისტერაქტი #ტერორისტები #ტერაქტი ● ჰაკერების ჯგუფი Anonymous-ი „ისლამურ სახელმწიფოს“ ომს უცხადებს. შესაბამისი მიმართვის ამსახველი ვიდეო ინტერნეტში ვრცელდება. აღნიშნულ ვიდეოში Anonymous-ი ამბობს, რომ მათ მიერ განხორციელებული ქმედებები პარიზში მომხდარი თავდასხმების შემდეგ, „ისლამურ სახელმწიფოზე“ „ნადირობა“ იქნება. ჰაკერების ჯგუფი საკამათო ორგანიზაციებსა და ინდივიდუალური პირების წინააღმდეგ განხორციელებული კიბერთავდასხმებითაა ცნობილი. აღნიშნულ ვიდეოში პირი, რომელსაც Anonymous-ის სიმბოლური ნიღაბი უკეთია, ამბობს: „უნდა იცოდეთ, რომ ჩვენ თქვენ გიპოვით და არ გაგიშვებთ“. „თქვენს წინააღმდეგ უდიდეს ოპერაციას დავიწყებთ“. „ელოდეთ მასიურ კიბერშეტევებს. ომი გამოცხადებულია. მოემზადეთ“. „ფრანგი ხალხი იმაზე ძლიერია, ვიდრე თქვენ და ამ დანაშაულთანაც ძლიერი გამოვა“. ჰაკერების ჯგუფმა, რომელიც მთელი მსოფლიოს მასშტაბით უამრავი მოხალისისა და აქტივისტისგან შედგება, ონლაინ კამპანია „ისლამური სახელმწიფოს“ წინააღმდეგ სატირულ ჟურნალ „შარლი ებდოზე“ თავდასხმის შემდეგ დაიწყო. Foreign Policy-ს გამოძიების თანახმად, დღემდე, ჯგუფმა „ისლამური სახელმწიფოს“ 149 ვებგვერდი გატეხა. ამასთან, Twitter-ის 101 000 პროფილი და 5 900 პროპაგანტისტული ვიდეო გამოავლინა.აღსანიშნავია ისიც, რომ ჰაკერების ჯგუფის ვიდეომიმართვა Anonymous-ის YouTube-ის არხზე არ გავრცელებულა.

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive
➡ GDNEWS (iOS) აპლიკაცია - http://goo.gl/fX56iy
➡ GDNEWS (Android) აპლიკაცია - https://goo.gl/D0GWp4
➡ მოგვაწოდეთ ვიდეო და გახადეთ პოპულარული

© Georgian Daily News 2008-2015 ● ჯი-დი-ენ - მედია ვიდეო პორტალი | GDNEWS ᴴᴰ