კომისიამ „ტელეარხი 25“-ის ციფრული სატელევიზიო გადემცემი მოწყობილობის ბათუმის „ომბალაურის“ ანძაზე განთავსებისას წარმოქმნილი პრობლემები განიხილა. ტელეკომპანიის წერილში მითითებულ ტერიტორიაზე განთავსებული რადიოსაკომუნიკაციო ანძის კოორდინატებია - 41°41'8.00"N; 41°43'25.00"E, ხოლო კომისიის 2014 წლის 28 ნოემბრის №661/13 გადაწყვეტილების მე-2 პუნქტის, მე-20 ქვეპუნქტის შესაბამისად, თქვენი გადამცემი ანტენის განთავსების ადგილი ემთხვევა მწვანე კონცხზე არსებულ შპს „ტელერადიოცენტრის“ კუთვნილ რადიოსაკომუნიკაციო ანძას, რომლის კოორდინატებია 41°41'37,61"N; 41°42'55.20"E. აღნიშნული გადაწყვეტილების მე-2 პუნქტის შენიშვნით ნაწილში განსაზღვრულია აგრეთვე, რომ „გადამცემი სადგურის განთავსება შესაძლებელია მითითებული კოორდინატის მიმართ 100მ რადიუსის ფარგლებში, ზღვის დონიდან გადამცემი ანტენის დაკიდების სიმაღლის შენარჩუნებით (ცდომილება±5მ)“, თუმცა „ომბალაურის“ და შპს „ტელერადიოცენტრის“ ანძებს შორის ტერიტორიული დაშორება შეადგენს 1150 მეტრს. ზემოაღნიშნულის გათვალისწინებით განვმარტავთ, რომ სატელევიზიო გადამცემის განლაგების ადგილის შეცვლა კომისიის 2014 წლის 28 ნოემბრის №661/13 გადაწყვეტილებაში შესაბამისი ცვლილების შეტანას საჭიროებს.