ქალთა მიმართ ძალადობის წინააღმდეგ მიმართული კამპანია დღეს გაიხსნა. ჯანდაცვის სამინისტროს ეროვნულ სასწავლო ცენტრში სპეციალურად ამ კამპანიის ფარგლებში მომზადებული ვიდეო რგოლის „არა ძალადობას!“ პრეზენტაცია გაიმართა. მოეწყო სამხატრო აკადემიის სტუდენეტების ამ თემატიკაზე შექმნილი ნამუშევრების გამოფენაც. ასევე გაიმართა USAID-ის მიერ დაფინანსებული პროექტის პრეზენტაცია, რომლის მიზანსაც საქართველოში ოჯახური ძალადობის შემცირება წარმოადგენს.
ღონისძიებას შრომის, ჯანმრთელობისა და სოციალური დაცვის მინისტრის მოადგილე ვალერი კვარაცხელია, აშშ-ს ელჩი საქართველოშა იან კელი და ადამიანით ვაჭრობის (ტრეფიკინგის) მსხვერპლათა, დაზარალებულთა დაცვისა და დახმარების სახელმწიფო ფონდის დირექტორი თამუნა ბარკალაია დაესწრნენ.

25 ნოემბერი, ქალთა მიმართ ძალადობის აღმოფხვრის საერთაშორისო დღეა. კამპანია საზოგადოების ცნობიერების ამაღლებასა და სამოქალაქო კონსოლიდაციის გაძლიერებას ისახავს მიზნად. კამპანიის სლოგანია: არა ძალადობას!; თქვი არა!

ნარინჯისფერი - ქალთა მიმართ ძალადობის წინააღმდეგ მიმართული კამპანიის საერთაშორისოდ აღიარებული ფერია, კაპმანიას საქართველოც უერთდება და დღეიდან 2 კვირის განმავლობაში (25 ნოემბერიდან - 10 დეკემბრის ჩათვლით) ნარინჯისფერი კვირეულის ფარგლებში არაერთი აქტივობაა დაგეგმილი.