უმაღლესი ლიგის ლიდერმა თბილისის “დინამომ” მიმდინარე ეროვნული პირველობის ნახევარი 5-ქულიანი უპირატესობით დაასრულა.

ყველაზე ტიტულოვან მაქართულმა გუნდმა ბოლო ტურში სტუმრად ქობულეთის “შუქურა” დაამარცხა და პირველი წრის შემდეგ 40 ქულა დააგროვა. მე-15 ტურში ვერ მოიგო, “დინამოს” მთავარმა კონკურენტმა გორის “დილამ”, რომელმაც გასვლაზე “ზუგდიდთან” ფრედ 1-1 ითამაშა და დედაქალაქის კლუბს უპირატესობის გაზრდის უფლება მისცა. მესამეზე ერთპიროვნულად დამკვიდრდა “ცხინვალი”, რომელმაც “ლოკომოტივი” 1-0 დაამარცხა და 3 ქულით გადაასწრო ბოლნისის “სიონს”, რადგან თავის მხრივ ქვემო ქართლელებმა “სამტრედიასთან” შინ 2-0 წააგეს. პირველი წრის ბოლო ტურის სხვა მატჩებიდან გამოსარჩევია თბილისში უხვგოლიანი დაპირისპირება “ბენდელას” სტადიონზე, სადაც “საბურთალომ” ქუთაისის “ტორპედო” მიიღო. შეხვედრაში 8 გოლი გავიდა და საბოლოოდ ფრედ, 4-4 დასრულდა.