„დღეს არის მართლა ისტორიული დღე! დღეს არის დღე, როდესაც საქართველოს თითოეული მოქალაქისთვის გადაიდგა პირველი ნაბიჯი იმ თვალსაზრისით, რომ ევროპამ თქვა - საქართველოს თითოეული მოქალაქისთვის ევროპის კარი შენგენის ზონაში არის ღია. უკანასკნელი 3 წლის განმავლობაში, მას შემდეგ რაც ეს პროცესი დაიწყო საქართველოს მთავრობის მიერ განხორციელებული რეფორმები იყო მართებული, იყო სწორი მიმართულებით წარმართული და დასრულდა იმ შედეგით, რომლითაც ძალიან მაღალი შეფასება დაიმსახურა ამ რეფორმების პროცესმა. მას შემდეგ, რაც უახლოესი რამდენიმე თვის განმავლობაში ეს პროცესი ტექნიკურად დასრულდება, საქართველოს მოქალაქისთვის ეს იქნება არამხოლოდ საშუალება იმისა, რომ ბიომეტრიული პასპორტის მფლობელი საქართველოს მოქალაქეებისთვის და აქ ხაზი მინდა გაუსვა, მათ შორის ოკუპირებულ ტერიტორიებზე მცხოვრები ჩვენი დებისა და ძმებისთვის, ჩვენი თანამემამულეებისათვის შენგენის ზონა თავისუფალი მიმოსვლის სივრცე იქნება, არამედ, ხაზი გაესმება იმას, რომ საქართველო არის ევროპული ოჯახის ნაწილი, საქართველოს მოქალაქეებისთვის ევროპა არის სახლი.-ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრს დავით ბაქრაძე ტელეკომპანია"რუსთავი2-ის" საინფორმაციო გადაცემა "კურიერის" პირდაპირ ეთერში საქართველოს მიერ სავიზო რეჟიმის ლიბერალიზაციის სამოქმედო გეგმის შესრულებასთან დაკავშირებით ევროკომისიის ანგარიშს აფასებს.