ამერიკის ეროვნულ დემოკრატიული ინსტიტუტი საზოგადოების განწყობის შესახებ მორიგ კვლევას აქვეყნებს. შედეგები ნოემბრისა და დეკემბრის დასაწყისის განწყობებს ასახავს. 18% ქართულ ოცნებას, 12% - ნაციონალურ მოძრაობას, 7%-თავისუფალ დემოკრატებს - ასე ნაწილდება იმ ადამიანთა პოლიტიკური არჩევანი, ვინც არჩევნებში მონაწილეობის მიღებას გეგმავს. ასეთთა რაოდენობა კი აგვისტოს კვლევის შემდეგ, გაზრდილია. მეორეს მხრივ, გამოკითხულთა დიდ ნაწილს, 60%-ს, ახლაც არ აქვს გადაწყვეტილი, ვის დაუჭერს მხარს. კვლავ მზარდია მათი რაოდენობა, ვინც თვლის, რომ ქვეყანა არასწორი მიმართულებით მიდის - ეს მაჩვენებელი რეკორდულ 44%-ზეა ასული. რა შანსები აქვს ხელისუფლებას დაბალი რეიტინგის პირობებში, რა უნდა გააკეთოს ოპოზიციამ რეიტინგის ზრდისთვის, როგორია მოსახლეობის საგარეო განწყობები - ამ თემებზე ვსაუბრობთ თეორემას სტუდიაში