ქართული დამწერლობით ინტერნეტ მისამართების გამოყენება ხდება შესაძლებელი - პრეზენტაცია, რომელსაც საქართველოს კომუნიკაციების ეროვნული კომისიის თავმჯდომარე ვახტანგ აბაშიძე, საინფორმაციო ტექნოლოგიების განვითარების ცენტრის საზოგადოებასთან ურთიერთობის მენეჯერი სოფიო ელიზბარაშვილი და მინიჭებული სახელებისა და ნომრების ინტერნეტ-კორპორაციის (ICANN) ციცე-პრეზიდენტი მიხელ იაკუშევსი უძღვებოდა, 20 იანვარს სასტუმრო „თბილისი მარიოტში“ გაიმართა.
არალათინური ანბანის გამოყენებით ინტერნეტ სივრცეში დომენური სახელწოდებების დანერგვის მიზნით სამიშაო პროცესი მინიჭებული სახელებისა და ნომრების ინტერნეტ-კორპორაციამ (ICANN) 2009 წელს დაიწყო.
მინიჭებული სახელებისა და ნომრების ინტერნეტ-კორპორაციის (ICANN) 2014 წლის 24 ოქტომბრის გადაწყვეტილებით, საქართველოს ოფიციალურად მიენიჭა უფლება საინტერნეტო მისამართები დაწეროს მხედრული ანბანითა და შემდეგი დაბოლოებით „ .გე “, საქართველოში საინფორმაციო ტექნოლოგიების განვითარების ცენტრი კი საქართველოსთან ასოცირებული ინტერნაციონალიზირებული ზედა დონის დომენების კოორდინატორი გახდა.