1962 წლის 22 ივნისს ჟენევაში ქართული გუნდი ჩავიდა. დაისვენა, წაივარჯიშა, ბიჭებმა შეუბერეს და მოიგეს. რაღაც დიდი, განსაკუთრებული, ჩვენი მოიგეს. ის "დინამოც" განსაკუთრებული, ჩვენი იყო. ქართული გუნდი რუსული პასპორტით და მაგარი ხასიათით. "დინამომ" ევროპის ჩემპიონთა თასის ფინალში მადრიდის "რეალს" 90:83 დაუსვა, ესპანელ არისტოკრატებს ყური აუწია და დაისვენა. "დინამო" ევროპაში პირველი გუნდი გახდა. იმ გუნდის მწვრთნელი იყო ოთარ ქორქია. იმ გუნდში დიდი ხალხი თამაშობდა. დიდ ხალხს სიმაღლეზე დიდი გული ჰქონდა. 11 მოთამაშე და ერთი გული.

"რეალამდეც" მაგარი ამბები იყო. "დინამო" მეოთხედფინალში გადის რუმინულ "სტიაუაზე" და ორ გარჩევაში ორ პრობლემას აგვარებს. რუმინელები გვიგებდნენ, სიმაღლით ბევრს გვიხსნიდნენ და "დინამომ" კლასით მოაგვარა ის პრობლემა. ჩვენმა გუნდმა სერია 159:153 (77:76, 82:77) დახურა. შემდეგი გაჩერება უკვე რეალურად რთულია. "დინამოს" ცსკა გამოუწერეს. რუსული კლუბი რუსული მენტალიტეტით და ბევრი სხვა კოზირით. ჩემპიონთა თასზე საბჭოთა კავშირი "დინამო" და ცსკა იყო. "რეალმა" ტურნირი "კასაბლანკასთან" სპარინგით (84:46, 83:38) გახსნა. "რეალი" კალათბურთი იყო, "კასაბლანკა" – კალათბურთის ბენი ჰილი.

"რეალმა" გაიარა იტალიური "ვარეზეც". მადრიდში 83:62 იყო და იტალიაში "რეალს" მინუს 2 (80:82) გამოატანეს. ხდება ხოლმე. როიალურმა გუნდმა იმ სეზონში ამერიკელი კოშკი, ღონიერი, წუწუნა და ზარმაცი უეინ ჰაიტაუერი დაიმატა. ერთჯერადი კონტრაქტი ბევრჯერადი მოთამაშისთვის. ცოტა მერე, ჰაიტაუერი ერთ პოპულარულ ლიგაში, ერთ პოპულარულ ბიჭთან ერთად გაირბენს. უეინი NBA-ს და უილტ ჩემბერლენს დაუძმაკაცდა. მანამდე ჰაიტაუერს "დინამოსთან" უნდა მოეგო.

"სტიაუას" შემდეგ "დინამომ" ცსკა დაამშვიდა.

როგორც მოქმედი ჩემპიონი, ცსკა ტურნირში მეოთხედფინალიდან შევიდა და პირველ ეტაპზე ევგენი ალექსეევმა ბიჭები დაასვენა, მთელი გუნდი ნახევარი ძალით ათამაშა და რუსებმა "ისკრა" გადახერხეს 140:110 (85:53, 55:57). "დინამო" ცსკასთან მოსკოვში ძირითადად, აგებდა და თბილისში უგებდა.

"დინამომ" რუსი კომუნისტების "ლეიკერსი" გალახა, თითებში სულ სახაზავი ურტყა და ორივე თამაში ავიღეთ. 75:71, 77:66. მაგარი სასიამოვნო იყო.

მერე იყო ფინალ