თელავის საკრებულოს თავმჯდომარის სამართალდამრღვევი მოადგილე

www.Reginfo.ge - ქალაქ თელავის საკრებულოს თავმჯდომარის მოადგილე გია გიგიაშვილი, იმავდროულად მიწის ნაკვეთებზე საკუთრების უფლების აღიარების კომისიის თავმჯდომარეც არის, რის უფლებაც მას საკრებულოს რეგლამენტით არ აქვს. საკრებულოს წევრის ნიკოლოზ ვარდოშვილის განცხადებით, თუ გიგიაშვილი ერთ-ერთ თანამდებობაზე საკუთარი ნებით არ იტყვის უარს, მისი იმპიჩმენტის საკითხს დააყენებს. აღნიშნული კომისიის ფარგლებში განსახორციელებელი საქმიანობის მიზეზით, გია გიგიაშვილმა რამდენიმე კვირის წინ, საბიუჯეტო სახსრებით 12 150 ლარად ღირებული „ფოლკსვაგენ ჯეტა“ შეიძინა.