- მაესტროს გარშემო დაპირისპირება გრძელდება. ტელეკომპანია ამ დროისთვის ჩვეულ რეჟიმში მაუწყებლობს, თუმცა, პარალელურად, მაესტრო 24-ი საცდელ მაუწყებლობას იწყებს TV 11-ის სიხშირეზე. გადაწყვეტილება მამუკა ღლონტმა და ბაჩო კიკაბიძემ მიიღეს. დღესვე მაესტროს გენერალურმა დირექტორი ბაია გადაბაძემ საგანგებო განცხადება გააკეთა. გადაბაძის თქმით, ის აპირებს, გაასაჯაროოს მიმოწერა, სადაც ჩანს, თუ როგორ ხდებოდა წილების გადაფორმება ბოლო წლებში. კონკრეტულად ვის მიმოწერაზეა საუბარი ის არ აკონკრეტებს. დღესვე გადაბაძემ აღნიშნა, რომ შენობა, რომელშიც ტელეკომპანიაა განთავსებული, მაკა ასათიანის საკუთრებაა და მისი ნებართვის გარეშე იქ ვერავინ შევა. მაესტროში დღეს დილიდან დაცვაც გააძლიერეს. ტელეკომპანიის მოქმედმა მენეჯრები ამერიკის ელჩთსაც შეხვდნენ.
- საერთაშორისო ორგანიზაცია Amnesty Internationl-ი რელიგური გრძნობების შესახებ კანონპროქტთან დაკავშირებით განცხადებას ავრცელებს და თვლის, რომ კანონპროექტის მიღება საქართველოში გამოხატვის თავისუფლებას ძირს გამოუთხრის. განცხადების თანახმად, კანონპროექტს წინ უძღვოდა, 2015 წლის იანვარში საქართველოს მართლმადიდებლური ეკლესიის მიერ საქართველოს მთავრობისადმი მიმართვა, რათა მათ დაეცვათ ეკლესია და მრევლი რელიგიური გრძნობების შეურაცხყოფისგან.
- დედაქალქის მერიამ აღმაშენებლის გამზირის რეაბილიტაციის ახალი პროექტის პრეზენტაცია გამართა. როგორც დღეს გამართულ პრეზენტაციაზე ითქვა, პროექტი სახელწოდებით ახალი ტფილისი ქალაქში ახალი მასშტაბური საზოგადოებრი-რეკრეაციულ სევრცეების გაჩენას, ახალი ტურისტული მარშრუტის შექმნას და ისტორიული უბნების არქიტექტურული იერსახის შენარჩუნებას გულისხმობს.
სააგენტო ინტერპრესნიუსის ცნობით დავით აღმაშენებლის გამზირის რეაბილიტაციას ის სამშენებლო კომპანია განახორციელებს, რომელმაც აღმაშენებლის გამზირის პირველი ნაწილის სარეაბილიტაციო სამუშაოები წინა წლებში განახორციელა. როგორც სააგენტო წერს ეს ინფორმაცია მათ მერიაში დაუდასტურეს.