"თავისუფალი ზონის" წევრებმა პატივი მიაგეს უკრაინაში, "მაიდანზე" გმირულად დაღუპულ დათო ყიფიანის ხსოვნას და მისი საფლავი ყვავილებით შეამკეს. გაიხსენეს ორი წლის წინ განვითარებული "მაიდნის" მოვლენები, ყველა გმირი და ის ქართველები ვინც გმირულად დაეცნენ უკრაინის და საქართველოს თავისუფლებისთვის.
2 წლის წინ კიევში გარდაიცვალა ორი ქართველი, ზურაბ ხურცია და "თავისუფალი ზონის" წევრი დათო ყიფიანი, რომელიც რუსმა სნაიპერმა იმსხვერპლა, ჯავშანჟილეტი, რომელიც ყიფიანს ეცვა სნაიპერის ტყვიით ორ ადგილას იყო გახვრეტილი. ის მაიდნის პირველივე დღეებიდან საქართველოს დროშით ხელში უკრაინისა და საქართველოს თავისუფლებას იცავდა.

"ერთ-ერთი ძლიერი შტურმის დროს, მას ქართული დროშა ეჭირა. „ბერკუტმა“ მას დროშა წაართვა, თუმცა ყიფიანი არ შეშინდა, „ბერკუტის“ მიერ დაკავებულ ტერიტორიაზე შებრუნდა და დროშა გამოიტანა"- იხსენებენ მაიდნელები
სწორედ დათოს დამსახურებაა, რომ ამაყად ფრიალებდა საქართველოს დროშა მაიდანზე. მას კარგად ჰქონდა გააზრებული, რომ იქ და სწორედ იმ წამს წყდებოდა საქართველოს ბედი.
დიდება საქართველოს! დიდება უკრაინას! დიდება გმირებს!