ზუსტად სამ საათში სახელმწიფო კანცელარიაში პრემიერ-მინისტრის და რესპუბლიკური პარტიის ლიდერების შეხვედრა გაიმართება . გიორგი კვირიკაშვილთან შეხვედრას რესპუბლიკური პარტიის ერთერთი ლიდერი და თავდაცვის მინისტრი თინა ხიდაშელიც დაესწრება. შეხვედრა კი პრემიერის მოულოდნელი, საკმაოდ ხმაურიანი და შესაძლოა ითქვას, სკანდალური განცხადების შემდეგ დაიგეგმა. პრემიერმა კოალიციაში შექმნილ დაძაბულ ვითარებასთან დაკავშირებით განცხადება დღეს დილით გაავრცელა, სადაც მან გოგი თოფაძესთან ერთად ღია შენიშვნა და მითითება მისი კაბინეტის წევრს თავდაცვის მინისტრს თინა ხიდაშელს მისცა. პრემიერმა ხიდაშელს შეახსენა რომ ის ჯერ თავდაცვის მინისტრია და შემდეგ უკვე საკუთარი პარტიის ერთერთი ლიდერი. როგორც აღმოჩნდა პრემიერისთვის მიუღებელია თინა ხიდაშელის ღია ჩართვა შიდა კოალიციურ დაპირისპირებაში. როგორც უკვე გითხარით შეხვედრა პრემიერსა და რესპუბლიკური პარტიის ლიდერებს შორის სახელმწიფო კანცელარიაში 9 საათზე დაიწყება. უცნობია დაესწრება თუ არა ამ შეხვედრას პარტიის ერთერთი ლიდერი პარლამენტის თავმჯდომარე და თავდაცვის მინისტრის მეუღლე დავით უსუფაშვილი.