პლატფორმა "დაიცავი თავისუფლების" წევრებმა და სტუდენტებმა ენერგეტიკის სამინისტროსთან გაზპრომის წინააღმდეგ აქცია გამართეს. აქციის ფარგლებში, აქტივისტებმა ლიფლეტები დაარიგეს, სადაც გაზპრომის შესახებ 13 ფაქტი იყო ჩამოთვლილი.
პლატფორმა "დაიცავი თავისუფლება" საქართველოში რუსული პროპაგანდის წინააღმდეგ მუშაობს. პლატფორმამ საქართველოს ხელისუფლების გაზპრომთან მოლაპარაკებები უკვე არაერთხელ გააპროტესტა. "დაიცავი თავისუფლებამ" გაზპრომის საკითხზე სასაუბროდ პრემიერმინისტრთან შეხვედრაც ითხოვა, თუმცა, გიორგი კვირიკაშვილისგან უარი მიიღო. გაზპრომის საწინააღმდეგო აქცია სახელმწიფო კანცელარიასთან კვირას, 6 მარტს, 14:00 საათზეც გაიმართება, რომელსაც პლატფორმა "დაიცავი თავისუფლება" უერთდება.