მთიანი ყარაბაღის კონფლიქტი საერთაშორისო საზოგადოების განხილვის მთავარ თემად რჩება. რეგიონში შექმნილ ვითარებაზე ინფრომაცია დღეს გერმანიის კანცლერმა მისი სომეხი კოლეგისგან მიიღო. სერჟ სარქსიანმა და ანგელა მერკელმა შეხვედრა ბერლინში გამართეს. ყარაბაღი იქნება საუბრის მთავარი თემა ბაქოშიც, სადაც რუსეთის საგარეო საქმეთა მინისტრს ელოდებიან. თავად კონფლიქტის ზონაში კი ცეცხლის შეწყვეტის შეთანხმება მოქმედებს, თუმცა მთელი დღის განმავლობაში ვრცელდებოდა ინფორმაცია რეჟიმის დარღვევის შესახებ. დღესვე დაპირისპირებულმა მხაარებმა გარდაცვლილთა რაოდენობის შესახებ ოფიციალური ინფორმაცია გაავრცელეს, დანაკარგია კონფლიქტში მონაწილე ორივე მხარეს.