დღეს ენერგეტიკის სამინისტროსთან წეროვანში მცხოვრებმა დევნილებმა საპროტესტო აქცია გამართეს სახელწოდებით „რატომ მოგვატყუეთ“. დევნილების ინფორმაციით, მათ დიმიტრი ხუნდაძის არჩევის სანაცვლოდ, ქართული ოცნება კომუნალური გადასახადების გაუქმებას დაჰპირდა. ახლა კი, დევნილების დიდ ნაწილს დავალიანების გამო გაზი ჩაჭრილი აქვს. მათივე თქმით, გადასახადების სახელმწიფოს მიერ გადახდას დევნილებს ენერგეტიკის მინისტრი კახა კალაძე დაჰპირდა. კომუნალური გადასახადებისგან გათავისუფლების შესახებ დაპირებებს უარყოფენ მთავრობის წევრები. წეროვანის მოსახლეობას აქციის ორგანიზებაში პლატფორმა დაიცავი თავისუფლება დაეხმარა.