ტაბულას დირექტორის, თამარ ჩერგოლეიშვილის ინფორმაციით, ფეისბუქზე გამოქვეყნებული მისი პოსტის გამო საერთაშორისო გამჭვირვალობა საქართველოს აღმასრულებელმა დირექტორმა, ეკა გიგაურმა მის ქმარს, გიგა ბოკერიას უსაყვედურა, შემდეგ კი ანა ნაცვლიშვილთან და ნინო ლომჯარიასთან ერთად ნაციონალურ მოძრაობასთან დაგეგმილი შეხვედრა გააუქმა. საქმე ეხება ჩერგოლეიშილის მიერ ფეისბუქზე გამოყენებულ ჟარგონს - „სასარგებლო იდიოტები“. მან ასე არასამთავრობო ორგანიზაციათა ნაწილი მას შემდეგ მოიხსენია, რაც მათ ევროპის სახალხო პარტიას ვიზალიბერალიზაციასთან დაკავშირებით წერილი მიწერეს.
ტაბულას დირექტორის თქმით, ეკა გიგაურმა, გიგა ბოკერიასთან მესიჯის შემდეგ, უკვე ნაციონალურ მოძრაობას მისწერა. წერილის ადრესატები პარტიის აღმასრულებელ და საზოგადოებასთან ურთიერთობის მდივნები, სერგო რატიანი და ზურაბ ჭიაბერაშვილი იყვნენ. თამარ ჩერგოლეიშვილის ინფორმაციით, ეკა გიგაურმა, ნინო ლომჯარიამ და ანა ნაცვლიშვილმა ნაციონალური მოძრაობა სამოქალაქო საზოგადოების მიმართ შეუწყნარებლობაში დაადანაშაულეს. გარდა ამისა, წერილში აღნიშნული იყო, რომ ჩერგოლეიშვილის მოსაზრებები მთელ პარტიაზე ვრცელდება, ამიტომ ისინი საარჩევნო კანონმდებლობასთან დაკავშირებით ნაციონალურ მოძრაობასთან შეხვედრას აუქმებენ.
ეკა გიგაურმა ამ თემაზე კომენტარის გაკეთება არ ისურვა. რაც შეეხება ანა ნაცვლიშვილსა, ტაბულას საია-ს პრესსამსახურში უთხრეს, რომ მას მთელი დღის განმავლობაში შეხვედრები აქვს და კომენტარი სავარაუდოდ, არ იქნება. სამართლიანი არჩევნების წარმომადგენელ ნინო ლომჯარიასთან დაკავშირება კი მთელი დღის განმავლობაში ვერ ხერხდება, ის ტაბულას ზარებს არ პასუხობს. დაკავშირება ვერ მოხერხდა ვერც ორგანიზაციის პრესსამსახურთან.
ნინო ლომჯარიამ ამ თემაზე კომენტარი გუშინ გამოცემა ნეტგაზეთს მისცა, სადაც აღნიშნავს, რომ შეხვედრის ჩაშლის მიზეზი იყო არასამთავრობოების მიმართ უპატივცემულო დამოკიდებულება იმ ორგანიზაციის წარმომადგენლების მხრიდან, რომლებთანაც პარტიას აქვს კონსტრუქციული ურთიერთობა და საქმიანი