ამ გზით ჩვენ თვითონ ვუწყობთ ხელს აფხაზეთის დამოუკიდებლობის ლეგიტიმაციას, აფხაზეთის ეკონომიკურ და პოლიტიკურ დამოუკიდებლობას ! ეს კი დაუშვებელია.

1. რუსული სამხედრო ინტერვენციის რისკები ერთი ათად იზრდება სარკინიგზო გადაზიდვების შემთხვევაში.
2. რკინიგზის აღდგენა–რეაბილიტაციის სამუშაოები უნდა აწარმოოს რუსეთის თავდაცვის სამინისტროს საინჟინრო ჯარებმა ! – უკვე გასაგებია მგონი რასთან გვაქვს საქმე !
3. პროექტი გამოიწვევს მეზობელი აზერბაიჯანის უკმაყოფილებას !
4. ქართული სახელმწიფოსთვის გარდა პოლიტიკური მნიშვნელობისა, წმინდა ეკონომიკური თვალსაზრისითაც ეს პროექტი იქნება მარცხის ტოლფასი:

თუ რკინიგზა იხსნება, რუსეთი სომხეთში განლაგებულ ჯარებს თავისუფლად მოამარაგებს იარაღით რაც გამოიწვევს დიდ უკმაყოფილებას აზერბაიჯანის მხრიდან.

დღეს კავკასიური და აზიური ტვირთები თავს იყრის ქართულ პორტებში, რადგან რკინიგზა სრულდება აქ. თუ რკინიგზა აღდგება ტვირთები გადაინაცვლებს რუსეთის პორტებში, იგივე ნოვოროსისკის პორტში, რომელსაც სულ ახლახან გაუკეთდა მოდერნიზება და გაზრდილია ტვირთების მიღების მოცულობა.
რეალურად სასომხეთი მთლიანად გადაერთვება რუსულ პორტებზე და ის არგუმენტი, რომ ჩვენ უფრო ხელსაყრელ პირობებს შევთავაზებთ ეს არ და ვერ იმუშავებს რადგან სასომხეთს ეს ექნება დირექტივის სახით მიცემული, ასევეა ყაზახეთი, თურქმენეთი, უზბეკეთი, ყირგიზეთი.

რეგიონალური თვალსაზრისით, რკინიგზის გახსნა დიამეტრალურად ცვლის ქართული სახელმწიფოს უპირატესობას კავკასიის რეგიონში. დღეს საქართველოზე გადის სასიცოცხლო არტერია, ხოლო აფხაზეთის მხრიდან რკინიგზის აღდგენა, საქართველოს, როგორც რეგიონის მთავარ მოთამაშეს ამ სეგმენტში მთლიანად ამოაგდებს !

დიახ, აფხაზეთი საქართველოა და ქართული სახელმწიფო ხელს უნდა უწყობდეს მის განვითარებას და წინსვლას, თუმცა მას შემდეგ, რაც კვლავ დავუბრუნდებით ერთიანობას და იქნებიან საქართველოს შემადგენლობაში.

და თუ ხელისუფლება დაუშვებს ამ საკითხზე საუბარს, მით უფრო მოლაპარაკების წარმოებას რკინიგზის აღდგენის მიზნით, მე, როგორც რიგითი მოქალაქე საკუთარ თანამოაზრეებთან ერთად ჩავალ სამეგრელოში და გალიდან ფოთამდე არსებულ რკინიგზას საკუთარი ხელით გავანადგურებ და დავშლი, დამაკავებენ ?

#პოლიტიკა