დღეს კულტურისა და ძეგლთა დაცვის სამინისტროში, ცნობილმა მომღერალმა ეროს რამაზოტიმ თბილისში დაგეგმილ ხვალინდელ კონცერტთან დაკავშირებით პრესკონფერენცია გამართა.
პრესკონფერენციას უძღვებოდნენ, საქართელოს კულტურისა და ძეგლთა დაცვის მინისტრი მიხეილ გიორგაძე, საქართველოში იტალიის ელჩი ანტონიო ენრიკო ბარტოლი და კულტურის განვითარების ფონდის წარმომადგენელი ეკა კუპრეიშვილი.

მსოფლიო ვარსკვლავის ეროს რამაზოტის კონცერტი 24 აპრილს, სპორტის სასახლეში გაიმართება. იტალიელი მომღერალი, პირველად ქართველი მსმენელის წინაშე მსოფლიო ტურით “The Perfectto World Tour” წარდგება.

ეროს რამაზოტის განცხადებით, კონცერტზე მისული მაყურებელი გრანდიოზულ შოუს იხილავს, შოუ 3-D ანიმაციით გაიხსნება და სცენა მთლიანად აგებული იქნება უნიკალური თანამედროვე ტექნოლოგიებით.

ეროს რამაზოტის კონცერტი, საქართველოს მთავრობის ინიციატივით დაწყებული მასშტაბური პროექტის „Check in Georgia” ფარგლებში იმართება. პროექტის განხორციელების მიზანია წლის განმავლობაში ჩვენი ქვეყნის კულტურულ ცენტრად ქცევა და დიდი რაოდენობით ტურისტების მოზიდვა.