1/16 ფინალში "ვიქტორიამ" 1987 წლის 22 ოქტომბერს თბილისის "დინამოს" ბუქარესტში, სტადიონ "დინამო"-ზე უმასპინძლა 16000 მაყურებლის წინაშე.
მატში მოვლენები სწრაფად განვითარდა. ჯერ მე-4 და შემდეგ მე-20 წუთებზე სოსო ჭედიამ და რამაზ შენგელიამ ორჯერ აიღეს მასპინძელთა კარი. ორივე გოლი ჩამოწოდებული კუთხურიდან გავიდა. (ვიდეოს მომდევნო პოსტში შემოგთავაზებთ.)
მასპინძლებმა 68 წუთზე ერთი გოლი გაქვითეს კლაუდიუ ვაიშკოვიჩის თერთმეტმეტრიანი დარტყმით. საბოლოო ანგარიში 1:2
ვიქტორია: იონ როტერესკუ, პეტრე კომენესკუ, დან ტოპოლინსკი, იონელ აუგუსტინი, ემილ ურსუ, კორნელ მირია (კაპ), კლაუდიუ ვაიშკოვიჩი, ვიკტორ კოჟოკარუ, ვასილე კაჩურიაკი (პიოპილიუ იორდაჩე 74), ვიკტორ ენე, სორინ ხენზელი
მწვრთნელი: დუმიტრუ ნიკოლაე-ნიკუშორი
დინამო: ოთარ გაბელია, გელა კეტაშვილი, ალექსანდრე ჩივაძე (კაპ), სოსო ჭედია (თემურ ქეცბაია 72), მალხაზ არზიანი, ზაზა რევიშვილი, ახრიკ ცვეიბა, თენგიზ სულაქველიძე, ოთარ კორღალიძე, გია გურული, რამაზ შენგელია
მწვრთნელი: გერმან ზონინი (რუსეთი)
გაფრთხილება: დან ტოპოლინსკი, ახრიკ ცვეიბა, პეტრე კომენესკუ, ვიქტორ ენე
მსაჯები: მანფრედ რიოსნერი; ჰანს აუმი, ვოლფგანგ ჰენინგი (გდრ)