► არეულობა კენიაში - ნაირობის ცენტრში ოპოზიციის მომხრეებმა პოლიციას ქვები დაუშინეს, რასაც სამართალდამცავებმა ცრემლსადენი გაზითა და წყლის ჭავლით უპასუხეს;
► "ხელები შორს BBC-ისგან" - ლეიბორისტი დენის სკინერი პარლამენტის წინ წარსდგა რეპლიკით, რითიც გამოხატა თავისი პოზიცია ბრიტანეთის საზოგადოებრივი მაუწყებლის რეფორმირებასთან დაკავშირებულ შესაძლო გეგმებზე;
► ნიუ იორკში პოლიციამ რამდენიმე გასროლით მოკლა პიროვნება, რომელიც ფეხით მოსიარულეებს დანით დაესხა თავს;
► გადაუღებელი წვიმების გამო, შრი ლანკაში ათასობით ტონა წყლით გაჯერებული მიწის ნაკვეთი ფერდობს მოწყდა და ქვეშ მოიყოლა სამი სოფელი - დაკარგულად ითვლება 200-მდე ადამიანი, სტიქიამ თავშესაფრის გარეშე 200 ათასამდე ადამიანი დატოვა;
► ჯონ კერიმ სირიაში საომარი მოქმედებების ესკალაციის გამო შეშფოთება გამოთქვა - დაპირისპირებული მხარეები სამშვიდობო მოლაპარაკებების თარიღზეც კი ვერ შეთანხმდნენ;
► სირია ყოველდღიურად სულ უფრო ღრმად ეფლობა საომარ მოქმედებებში - დღეს მძიმე ბრძოლები მიმდინარეობდა სირიის სამთავრობო ძალების, ალ-ნუსრას ფრონტისა და ე.წ. ისლამური სახელმწიფოს შორის, ერთდროულად დამასკოს, ალეპოს, თურქეთის მიმდებარე და აღმოსავლეთ რეგიონებში;
► აქციები საფრანგეთის 60 ქალაქში - პოლიციამ საჯაროდ დაგმო ძალადობა სამართალდამცავების წინააღმდეგ. პოლიციის აქციებს ზოგ ქალაქში კონტრ-დემონსტრაციები მოყვა, რასაც პოლიციის მანქანები ემსხვერპლა.