საქართველოს კომუნიკაციების ეროვნული კომისიის ერთ-ერთ უმნიშვნელოვანეს ფუნქციას წარმოადგენს საქართველოს ტერიტორიაზე რადიოსიხშირული სპექტრის მართვა და მისი ეფექტიანად გამოყენების უზრუნველყოფა, ინოვაციური ელექტრონული საკომუნიკაციო ტექნოლოგიების დანერგვა და რადიოსიხშირული სპექტრის ოპტიმალური გადანაწილება.რადიოსიხშირული სპექტრის ინტენსივობის მაღალი დონისა და სიხშირული სპექტრის რესურსის გამოყენებასთან დაკავშირებით ქვეყანაში მზარდი მოთხოვნილებების (ციფრული მაუწყებლობა, მობილური კავშირგაბმულობის მე-4 თაობის სისტემები და სხვა), ასევე ტელეკომუნიკაციების საერთაშორისო კავშირის (ITU) მოთხოვნათა გათვალისწინებით, საქართველოს ტერიტორიაზე იქმნება რადიოსიხშირული სპექტრის მონიტორინგის ერთიანი სისტემა, რაც უზრუნველყოფილ უნდა იქნას დედაქალაქის სხვადასხვა გეოგრაფიულ წერტილში არსებული რადიოსიხშირული სპექტრის მონიტორინგის სპეციალური სტაციონარული სადგურების მეშვეობით, სადაც ინსტალირებული იქნება შესაბამისი პროგრამული უზრუნველყოფის ინოვაციური სისტემები. 2015 წლის 20 მაისს, საქართველოს კომუნიკაციების ეროვნულ კომიიასა და ელექტრონულ ტენდერში გამარჯვებულ კომპანია შპს „კონსტრუქციას“ შორის, ხელი მოეწერა სახელმწიფო შესყიდვის შესახებ ხელშეკრულებას შავნაბადას სტაციონარული სადგურის კოშკურა ანძის მშენებლობის თაობაზე.