მე ბევრი სპორტსმენი მეგობარი მყავს, მე ვმეგობრობ ნოზაძესთან, ვმეგობრობ კვირკველიასთან, მაგრამ ეს ადამიანები არ მონაწილეობდნენ კორცხელის სამარცხვინო ინციდენტში და ვინც იქ ძალადობდა ისინი სრული პასუხისმგებლობით ვაცხადებ, რომ არ არიან სპორტსმენები და არიან ჩვეულებრივი დამნაშავეები, რომლებმაც ხელი დაარტყეს არა ბოკერიას ან მელიას, მათ ხელი დაარტყეს ქვეყანას, შეურაცხყოფა მიაყენეს რუსი ოკუპანტის მიერ მოკლული გიგა ოთხოზორიას მგლოვიარე ოჯახს, ქალაქ ზუგდიდს და სრულიად საქართველოს. სამარცხვინოა, როცა მგლოვიარე ქალაქში ვიწრო პარტიული ინტერესების გამო ოპონენტებს აგინებ და ხელჩართულ ორთაბრძოლას მართავ.
სრული პასუხისმგებლობით ვაცხადებ, რომ ,,ქართული ოცნება'' არაფრით არ განსხვავდება წინამორბედის მანკიერებისგან და ექს ხელისუფლების იდენტური მზაკვრული პარტიული ორგანიზაციაა.
თუ ეს ე.წ. სპორტსმენები არ მიეცემიან სისხლის სამართლის პასუხისგებაში, გარწმუნებთ, რომ 8 ოქტომბერს საქართველოში დაიღვრება სისხლი და ეს სისხლი იქნება ხელისუფლების კისერზე !