4 წლის მანძილზე ვისთან არ მქონია საჯარო დებატი სხვადასხვა პოლიტიკურ საკითხზე, თუმცა ჩემს ცხოვრებაში პირველად შევხვდი თითქმის ჩემს თანატოლს, რომელიც ღიად ამბობს, რომ ბიძინა ივანიშვილის ფანია, რომ მზად იყო სოფელ კორცხელში ხელისუფლების ზონდერებთან ერთად მუშტი დაერტყა ოპონენტებისთვის და ეს ადამიანი ჩვენდა სამწუხაროდ დღეს წარმოადგენს საქართველოს ხელისუფლებას. სამწუხაროდ ერთი სიტყვა არ დასცდენია 30 წლის მოკლულ ახალგაზრდაზე, რომელიც სწორედ ხელისუფლების დაუდევრობის და უპასუხისმგებლობის გამო დღეს ზუგდიდში ჩვენდა საუბედუროდ ოკუპანტის მიერ უმოწყალოდ შუბლგახვრეტილი წევს !!!

რეალურად ამ ადამიანმა საკუთარი არაადეკვატური, უზნეო და თავხედური განცხადებებით დაადასტურა, რომ ,,ქართული ოცნება'' არაფრით არ განსხვავდება ,,ნაციონალური მოძრაობისგან'' და იგივე, მსგავსი მანკიერი და დანაშაულებრივი შინაარსის მქონე პოლიტიკური ორგანიზაციაა, რომელისთვისაც ფასეულობას არ წარმოადგენს ადამიანი და სახელმწიფო ინტერესები.

სახელისუფლებო ძალის წარმომადგენელი, მაშინ, როცა პოლიტიკური ამბიციები აქვს და ფიქრობს მზად არის ოპონენტებთან სატელევიზიო ფორმატში სადებატოდ, ყველაზე მინიმუმ უნდა აცნობიერებდეს, რომ ძალადობა და მუშტი–კრივით პირადი წყენის გახსენება ეს ვერ წაადგება სახელმწიფოს და უფრო მეტიც, ბოლომდე ფეხქვეშ გათელავს დემოკრატიის ისედაც ნომინალურ დონეს.

ვწუხვარ, ხელისუფლება ისე, როგორც ექს ხელისუფლება თვლის, რომ ვინც მათი მხარდაჭერი არ არის ყველა მათი მტერია, ვწუხვარ, რომ ყველა ოპონენტი, ყველა ოპოზიციური პარტია მათთვის ასოცირდება მათ წინამორბედთან და ამ ავადმყოფური შიშებით შეპყრობილები თავს ესხმიან ყველა ოპონენტს.

ყველაფერს გავაკეთებ, რომ მალე დასრულდეს ეს უაზრო, არაეფექტური,არაკორექტული, არაადეკვატური, მოძალადე ხელისუფლება !!!