“ნაციონალური მოძრაობის” ორგანიზებით, “საქართველოს საგანმანათლებლო ალიანსის” წევრებმა, თბილისის ნომერ 53-ე საჯარო სკოლის ყოფილმა დირექტორმა, მარიამ რამინაშვილმა და დავით ლაგვილავამ ზუგდიდისა და წალენჯიხის საჯარო სკოლის პედაგოგებისთვის ზუგდიდიდ დემოკრატიული ჩართულობის ცენტრში ტრენინგი ჩაატარეს. თავიდანვე შეხვედრის მიზანს მასწავლებლების მომზადება მომავალი სასერტიფიკაციო გამოცდებამდე სახელდებოდა, რომელზეც რეგიონში მოქმედი მედიის წარმომადგენლები მიწვეულნი არ იყვნენ.
ტრენინგი დაახლოებით სამი საათის განმავლობაში გაგრძელდა. დასასარულს, მასწავლებლებთან შეხვედრაზე საქართველოს ყოფილი პრეზიდენტი და ოდესის მოქმედი გუბერნატორი, მიხეილ სააკაშვილი სკაიპის საშუალებით ჩაერთო.მიწვეული პედაგოგების განცხადებით, ისინი ინფორმირებულები არ იყვნენ პრეზიდენტყოფილიის ჩართვაზე. “საქართველოს საგანმანათლებლო ალიანსის” მიერ ჩათარებული ტრენინგი პოლიტიზირებული გახდა. შეხვედრის საათზე მეტი პედაგოგებთან ყოფილი პრეზიდენტი და ოდესის გუბერნატორი საუბრობდა.
“ნაციონალური მოძრაობის” მიერ მოწყობილ ე.წ ტრენინგ-სემინარს ზუგდიდის საგანმანათლებლო რესურსცენტრის ყოფილი დირექტორი ლელა ქებურიაც ესწრებოდა, რომელიც “ნაციონალურმა მოძრაობამ” საარჩევნო სიის 12 ნომრად წარადგინა.