ნინა იასაღაშილი სოფელ ბალიჭის ყველაზე უხუცესი მკვიდრია, მას დღეს ასი წელი შეუსრულდა, საუკუნის ქალბატონს იუბილე გამგებლის პირველმა მოადგილემ ყვავილების თაიგულითა და ტკბილეულით მიულოცა, ხოლო პირად ანგარიშზე მას მუნიციპალიტეტისგან 500 ლარი ჩაერიცხა.
გზა რომელიც ნინა ბებომ განვლო რთული იყო, მშობლებმა 13 წლის ასაკში გაათხოვეს, სრულიად ახალგაზრდას მეუღლე ომში წაუვიდა, მოხუცის ფიქრები და ნატვრა უგზოუკვლოდ დაკარგულ მეუღლეს უკავშირდება, მიუხედავად ამისა, ცხოვრების სირთულეებს არ შეუშინდა და ღრსეულად, დაუღალავი შრომით გაუძღვა ოჯახს. ჰყავს ორი შვილი, 7 შვილიშვილი, 17 შვილთაშვილი და 8 შვილთაშვილის შვილი.
უხუცეს ბებოს დაბადების დღე შვილიშვილებმა, შვილთაშვილებმა და მათმა შვილებმა მიულოცეს.