საქართველოს პრემიერ-მინისტრის გადაწყვეტილებით, ზუგდიდში მდებარე პრეზიდენტის რეზიდენცია ახალგაზრდებს გადაეცემა და აქ ტექნოინოვაციური პარკი განთავსდება, - ამის შესახებ დღეს სამეგრელო-ზემო სვანეთის გუბერნატორმა, ლევან შონიამ ზუგდიდის მოსწავლე-ახალგაზრდობის სასახლის გახსნაზე განაცხადა.

ლევან შონიას განცხადებით, შენობა, რომელიც ეკონომიკის სამინისტროს ბალანზე ირიცხება, ტექნოპარკს უახლოეს მომავალში გადაეცემა.

ამასთანავე, smo news-სთვის ცნობილი ხდება, რომ პრეზიდენტის რეზიდენციის გვერდით მდებარე შენობა და მიწის ნაკვეთი სამომავლოდ ტექნოინოვაციურ პარკს გადაეცემა სარგებლობაში. შეგახსენებთ, რომ აღნიშნულ ტერიტორიაზე ზუგდიდის ტექნიკური ტექნიკუმი ფუნქციონირებდა, სადაც ახლა აფხაზეთიდან დევნილები არიან შესახლებული.