► ტერაქტის მსხვერპლთა დაკრძალვა სტამბულში - დაღუპულთა უმრავლესობა თურქეთის მოქალაქეები არიან;
► აშშ-ის და მისი მოკავშირეების საჰაერო თავდასხმისას ერაყის ქალაქ ფალუჯას მისადგომებთან გამაგრებულ ე.წ. ისლამური სახელმწიფოს სამხედრო ბანაკზე, 200-ზე მეტი ისლამისტი მებრძოლი გაანადგურდა;
► ფილიპინების ახალმა პრეზიდენტმა როდრიგო დუტერტემ ინაუგურაციის ცერემონიაზე საზეიმო ფიცი დადო. დუტერტე ცნობილია კორუფციასთან და კრიმინალთან ბრძოლის გამორჩეულად მკაცრი მეთოდებით;
► აშშ-ის პირველი ლედი მიშელ ობამა მაროკოში ჩაფრინდა. მარაკეშის აეროპორტში მას ქვეყნის პირველი ლედი ლალა სალმა დახვდა. ამერიკის შეერთებულმა შტატებმა მაროკოსთვის 100 მილიონი დოლარის დახმარება დაამტკიცა, რომელიც მაროკოელ გოგონებს შორის განათლების დონის ამაღლებას მოხმარდება;
► რუსეთში, ირკუტსკის რაიონში გაჩენილი ტყის ხანძრის ჩასაქრობად რუსმა სამხედროებმა ნაღმების გამწმენდი მძიმე ტექნიკა გამოიყენეს, რომელიც, დეტონაციისას, ტყეში არსებულ ჟანგბადის მარაგს წვავს, რითაც ხელს უშლის ტყეში ცეცხლის გავრცელებას;
► მონღოლეთში მორიგი საპარლამენტო არჩევნები გაიმართა. მონღოლი მოქალაქეები, 76-მანდატიანი პარლამენტისთვის, ხმას საარჩევნო უბნებზე მეშვიდედ აძლევდნენ. ქვეყანა ამჟამად ეკონომიკურ კრიზისს განიცდის, რის გამოც, მატულობს ოპოზიციური პარტიების შანსები.