სახელმწიფო რთველის სუბსიდირებას მოახდენს

საქართველოს მთავრობის გადაწყვეტილებით, რთველი 2016-ის ფარგლებში ყურძნის სუბსიდირება კვლავ განხორციელდება. სოფლის მეურნეობის მინისტრის ოთარ დანელიას განცხადებით, სახელმწიფოს მიერ სუბსიდია 1 კგ რქაწითელსა და კახურ მწვანეზე 45 თეთრით განისაზღვრა, 1 კგ საფერავზე - 20 თეთრით, 1 კგ ალექსანდროულსა და მუჯურეთულზე კი 2 ლარით. მინისტრის ინფორმაციით, 2016 წელს ყურძნის საპროგნოზო მოსავლის რაოდენობა 180 ათას ტონას შეადგენს და ყურძენს 100-ზე მეტი ღვინის საწარმო ჩაიბარებს. გასული წლის მსგავსად, სუბსიდია პირდაპირ მევენახეებზე გაიცემა.