► ჯარისკაცები, რომლებიც სამხედრო გადატრიალების მცდელობის შემდეგ თავი საბერძნეთს შეაფარეს, თურქეთის ოფიციალური პირებმა მოღალატეებად გამოაცხადეს და მათი ექსტრადიცია მოითხოვეს;
► ანკარამ შეერთებულ შტატებს უკვე მიაწოდა საჭირო დოკუმენტები სამხედრო გადატრიალების ორგანიზებაში ეჭვმიტანილი ყოფილი იმამის - ფეტულა გიულენის ბრალეულობის დასამტკიცებლად;
► ლიბიაში ე.წ. ისლამურ სახელმწიფოს შენაერთებთან შეტაკებების შედეგად სამი ფრანგი ჯარისკაცი დაიღუპა;
► ვენესუელაში გრძელდება ქვეყნის ისტორიაში ერთერთ ყველაზე მწვავე ეკონომიკური კრიზისი. ათასობით მოქალაქე ფეხით გადადის მეზობელ კოლუმბიაში ყოველდღიური მოხმარების საგნებისა და მედიკამენტების შესაძენად;
► ერევანში სიტუაცია კვლავ დაძაბულია - რადიკალური ოპოზიციური დაჯგუფების წევრები, უკვე რამდენიმე დღეა მძევლებთან ერთად პოლიციის ერთ-ერთ განყოფილებაში იმყოფებიან. მოგვიანებით ხალხსა და სამართალდამცავებს შორის დაპირისპირება მოხდა - შეტაკებების შედეგად 45 ადამიანია ჰოსპიტალიზებული, აქედან 25 პოლიციელია;
► ამერიკის იუსტიციის დეპარტამენტმა დაიწყო გამოძიება მალაიზიური სახელმწიფო ფონდის ხელმძღვანელობის წინააღმდეგ 3 მილიარდი დოლარის გათეთრების საქმეზე.