გარემოსა და ბუნებრივი რესურსების დაცვის მინისტრი გიგლა აგულაშვილი მინისტრის მოადგილეებთან ერთად, მცხეთა-მთიანეთის გუბერნატორს გოჩა ზეიკიძეს ადგილობრივი თვითმმართველობის წარმომადგენლებთან ერთად სამინისტროში შეხვდა.
შეხვედრაზე მხარეებმა გარემოსდაცვითი მიმართულებით რეგიონის მდგრადი განვითარების პერსპექტივებზე, „მწვანე" საპილოტე პროგრამების დანერგვასა და ინიციატივებზე ისაუბრეს.
შეხვედრაზე ასევე განხილულ იქნა სოფლის მიმდებარე ტყეების თემის მართვაში გადაცემის, ადგილობრივი ბუნებრივი რესურსებით სარგებლობის გამარტივების, ბუნებრივ ტყეზე ზეწოლის შემცირების მიზნით კერძო საკუთრებაში არსებულ ნაკვეთებზე ენერგეტიკული ტყეების შექმნისა და ენერგო ეფექტური ღუმლების დანერგვის ხელშეწყობის საკითხებიც.