„სოციალისტური საქართველოს“ ჩაშლილი ყრილობა და დაპირისპირება თელავში

www.Reginfo.ge - „მე ვაპროტესტებ იმას, რასაც თქვენ აკეთებთ აქ. არ არის დღეს, 21–ე საუკუნეში საბჭოთა კავშირის დრო. რუსეთი ოკუპანტია, რუსეთი მკვლელია, თქვენ ხართ ყველანი მონები“, – ამ მიმართვის შემდეგ დაარტყა „საზოგადოებრივი მაუწყებლის“ კახეთის რეგიონის ყოფილ კორესპონდენტს რომან ქევხიშვილს „სოციალისტური საქართველოს“ ერთ–ერთმა დამფუძნებელმა თემურ ფიფიამ, რის შემდეგაც ჟურნალისტმა მას კვერცხები ესროლა. თელავში „სოციალისტური საქართველოს“ რეგიონული ორგანიზაციის დამფუძნებელი ყრილობა ვერ შედგა.