ჩემპიონთა ლიგის გათამაშების დღევანდელი საღამო განსაკუთრებული იქნება "ლესტერისთვის". პრემიერ ლიგის მოქმედი ჩემპიონი ისტორიული დებიუტისთვის ემზადება. კლაუდიო რანიერი და მისი ფეხბურთელები ბელგიაში იმყოფებიან, სადაც კლუბისთვის ისტორიულ მატჩს “ბრიუგეს” წინააღმდეგ გამართავენ.
ჩემპიონთა ლიგაზე თავის პირველ მატჩს მოუთმენლად ელოდება "მელიების" კაპიტანი უეს მორგანი. 32 წლის მცველისთვის დღევანდელი საღამო ოცნებების ახდენის იქნება. კაპიტანი ამბობს, რომ ამ ასაკში ლიგაზე თამაში ფანტასტიკაა.