ბირთვული და რადიაციული უსაფრთხოების სააგენტოს ორგანიზებით გუდაურში მედიატური გაიმართა. მინისტრმა გიგლა აგულაშვილმა ბეჭდური და ელექტრონული მედიის წარმომადგენლებს გარემოს დაცვის სამინისტროში მიმდინარე რეფორმები, მინისტრის მოადგილესთან მაია ბითაძესთან ერთად გააცნო. ასევე, ის პროექტები განიხილეს, რომლის განხორციელებას სამინისტრო 2017 წლიდან გეგმავს.
გასვლით მედიატურში ბირთვული და რადიაციული უსაფრთხოების სააგენტოს, დაცული ტერიტორიების სააგენტოს, ეროვნული საშენი მეურნეობისა და სამინისტროს სხვა დეპარტამენტების ხელმძღვანელებმა მედიის წარმომადგენლებს თავიანთ სფეროში საქმიანობის ძირითადი მიმართულებები და სამომავლო გეგმები გააცნეს. შეხვედრა კითხვა-პასუხის ინტერაქტიურ რეჟიმში წარიმართა, სადაც მედიის წარმომადგენლებმა ამომწურავი ინფორმაცია მიიღეს მათთვის საინტერესო საკითხებზე.