ლონდონის ისტორია თითქმის 2000 წელს ითვლის - ეს გახლავთ დედამიწის ერთ-ერთი უძველესი ქალაქი.

მისი წარმოშობის რამდენიმე თეორია არსებობს, თუმცა, ყველაზე პოპულარული გახლავთ თეორია, რომელიც ირწმუნება: ლონდონი ჩვენი წ.ა. 43 წელს რომაელებმა დააარსეს, ბრიტანეთში რომაელი იმპერატორის, კლაუდიუსის შეჭრის დროს. სახელწოდება ”ლონდონის” ეტიმოლოგიაც ბოლომდე გარკვეული არ არის - რომაელები მას ”ლონდონიუმს” უწოდებდნენ, მაგრამ რას ნიშნავდა ის, დღემდე უცნობია. შესაძლოა, ქალაქის დასახელება კელტურ ტოპონიმს ”ლონდონიონს” უკავშირდებოდეს, რომელიც სიტყვისგან lond წარმოიშვა და ითარგმნება როგორც ”ველური”, თუმცა, ისტორიკოსები ამაში დარწმუნებული არ არიან.