საქართველოს კომუნიკაციების ეროვნული კომისიის თავმჯდომარემ, ვახტანგ აბაშიძემ და ლიტვის კომუნიკაციების მარეგულირებელი ორგანოს თავმჯდომარემ, ფელიქსას დობროვოლსკისმა, საქართველოსა და ლიტვას შორის საერთაშორისო როუმინგული მომსახურების თაობაზე ურთიერთგაგების მემორანდუმს მოაწერეს ხელი. მემორანდუმით გათვალისწინებული თანამშრომლობა გულისხმობს ორი ქვეყნის მობილური ოპერატორების მომხმარებლებს შორის შემომავალ და გამავალ ზარებზე, მოკლე ტექსტურ შეტყობინებაზე და როუმინგში მობილურ ინტერნეტზე ტარიფების თანდათანობით შემცირებას, ევროპის პარლამენტისა და საბჭოს N531/2012 რეგულაციის შესაბამისად.