საპარლამენტო არჩევნებზე GFK-ის მიერ ჩატარებული ეგზიტპოლის შედეგებს რუსთავი 2 და ტაბულა გამოაქვეყნებენ. კვლევის მეთოდოლოგიასა და კომპანიაზე, რომელიც საველე სამუშაოებს ჩაატარებს, დღეს რუსთავი 2-ის გენერალურმა დირექტორმა და GFK-ის ვიცეპრეზიდენტმა ისაუბრეს. მათი ინფორმაციით, კომპანია ბი-სი-ჯი მთელი საქართველოს მასშტაბით 220 საარჩევნო უბანზე 10 ათასი ამომრჩეველს გამოიკითხავს.
GFK-ის ეგზიტპოლის შედეგები 8 ოქტომბერს, 20 საათზე გამოქვეყნდება. ვადიმ ვოლოსის ინფორმაციით, ცდომილება სავარაუდოდ, 1% იქნება.