საერთაშორისო გამჭვირვალობა საქართველოს ანგარიშის მიხედვით, წელს პარტიებმა საარჩევნო შემოწირულობსი სახით 16 მილიონ 150 ათასი ლარი მიიღეს, ამ შემოწირულობის 64% ქართულმა ოცნებამ მიიღო. კვლევის მიხედვით, ქართულ ოცნებას სწირავდნენ ის ბიზნესები, რომლებიც გასული წლების მანძილზე ტენდერებში მონაწილეობდნენ და საბიუჯეტო სახსრებს იღებდნენ, რაც, ორგანიზაციის შეფასებით, კითხვის ნიშნებს აჩენს. კვლევის მიხედვით, ზოგიერთმა პოლიტიკურმა პირმა პარტიას გადაურიცხა საკუთარი შემოსავლების მნიშვნელოვანი ნაწილი.