საბანკო მონაცემების მოტყუებით დაუფლება. სამართალდამცველებმა, როგორც აცხადებენ, თბილისსა და ქუთაისში ორგანიზებული დანაშაულებრივი ჯგუფის წევრები დააკავეს. შინაგან საქმეთა სამინისტროს ინფორმაციით, ბრალდებულები, წინასწარ შემუშავებული გეგმის მიხედვით, 2016 წლის აპრილიდან აგვისტოს ჩათვლით, საქართველოს სხვადასხვა ქალაქში, ათეულობით მოქალაქის პირად და საბანკო მონაცემს მოტყუებით დაეუფლნენ. ამ მონაცემების გამოყენებით კი, ინტერნეტბანკში მოქალაქეთა პირად ანგარიშებზე არსებულ თანხას უკანონოდ ეუფლებოდნენ. ამასთან, სხვადასხვა მიკროსაფინანსო ორგანიზაციიდან მოქალაქეთა სახელით სესხს იღებდნენ და ითვისებდნენ. რას ყვებიან დაზარალებულები და როგორია საბანკო მონაცემების მოტყუებით დაუფლების სქემა - ნიკა მუკბანიანი, ვახო ლეკიაშვილი დეტალებით