სოფლის მეურნეობის მინისტრმა ლევან დავითაშვილმა შიდა ქართლის გუბერნატორის მოვალეობის შემსრულებელ იოსებ ოქრომელიძესთან ერთად გორის მუნიციპალიტეტის სოფელ კარალეთში თანამედროვე სტანდარტებით აღჭურვილი ხილისა და ბოსტნეულის გადამამუშავებელი საწარმო გახსნა. საწარმო სოფლის მეურნეობის სამინისტროს შეღავათიანი აგროკრედიტის პროექტის ფარგლებში შეიქმნა. საწარმოში მილიონ 200 ათასი ლარის ინვესტიცია განხორციელდა და 50-მდე ადგილობრივია დასაქმებული. წარმოებული პროდუქციის რეალიზაცია პირველ ეტაპზე ადგილობრივ ბაზარზე მოხდება. სოფლის მეურნეობის სამინისტროს მხარდაჭერით შიდა ქართლის რეგიონში 18 ახალი საწარმო გაიხსნა.